Bakı Ali Neft Məktəbində Heydər Əliyevin xatirəsi anılıb

Dekabrın 12-də Bakı Ali Neft Məktəbində ümummilli lider Heydər Əliyevin anım günü qeyd edilib. Lent.az-ın məlumatına görə, bununla əlaqədar olaraq BANM-nin bütün auditoriyalarında Heydər Əliyevin xatirəsi bir dəqiqəlik sükutla yad edilib.

Tələbələrə Heydər Əliyevin həyat və yaradıcılıq yolu haqqında geniş məlumat verilib. Onun müasir müstəqil Azərbaycan dövlətinin memarı və qurucusu, müdrik şəxsiyyət kimi Azərbaycan tarixinə və xalqın yaddaşına əbədi həkk olunduğu bildirilib.

Həmçinin BANM-nin tələbələrinə ulu öndərin əziz xatirəsinə həsr olunan, onun keçdiyi şərəfli ömür yolunu özündə əks etdirən videoçarx nümayiş olunub.