Bu gündən etibarən Xırdalan-Binəqədi-Balaxanı avtomobil yolunun Zabrat-Maştağa yolu ilə kəsişməsindən Balaxanı qəsəbəsinə qədər olan hissəsində avtonəqliyyat vasitələrinin hərəkəti hissə-hissə məhdudlaşdırılacaq. “Azəravtoyol” ASC-nin Mətbuat Katibliyindən Lent.az-a verilən məlumata görə, asfalt-beton örtüyünün yenilənməsi ilə əlaqədar qismən məhdudlaşma 2 gün ərzində qüvvədə olacaq.
Sürücülərdən aparılan işlərə anlayışla yanaşmaları xahiş olunur və alternativ yollardan istifadə etmələri tövsiyə olunur.
Həmçinin, Zabrat-Maştağa avtomobil yolunun Heydər Əliyev prospekti ilə kəsişməsindən Zabrat dairəsinə qədər olan hissəsində üfüqi nişanlanma xətlərinin yenidən rənglənməsi işləri aparılacaq.
Rənglənmə işləri ilə əlaqədar olaraq avtonəqliyyat vasitələrinin hərəkəti işləri aparıldığı zolaqlar üzrə məhdudlaşdırılaraq digər hərəkət zolaqlarına yönəldiləcək. Bu üzdən "Azəravtoyol" ASC sürücülərdən sözügedən ərazidə diqqətli hərəkət etmələrini tövsiyə edir.
Qeyd edək ki, üfüqi nişanlanma xətlərinin çəkilişi işləri bu gün axşam saatlarınadək tam olaraq yekunlaşdırılacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
