Bakcell “Mançester Yunayted”in daha bir ulduzunu Bakıya gətirir

Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti “Mançester Yunayted” Futbol Klubunun daha bir əfsanəvi futbolçusunu Bakıya gətirir.

Şirkəti “Mançester Yunayted”lə əməkdaşlıq çərçivəsində omandanın tarixində ən yaddaqalan simalardan biri olan, Duayt Yoyk ilə birlikdə 90-cı illərdə Avropanın ən güclü hücum duetlərin birini təşkil edən Endi Koulu Bakıya dəvət edib.

Endi Koul 2-5 dekabr tarixlərində Bakı Ekspo Mərkəzində keçiriləcək “Bakutel 2013” sərgisində “Bakcell”in xüsusi qonağı kimi iştirak edəcək. Sərginin ilk günü Bakcell stendinin bütün ziyarətçiləri məşhur futbolçu ilə görüşmək və xatirə şəkilləri çəkdirmək imkanı əldə edəcəklər.

Endi Koul səfərinin növbəti günlərində futbol və xüsusilə də “Mançester Yunayted” azarkeşləri ilə təşkil olunacaq xüsusi görüşdə iştirak edəcək. Azarkeşlərlə görüş 3 dekabr 2013 tarixində “Bakcell Arena Sport Bar”da təşkil olunacaq.