Azərbaycan Universitetinin bir qrup tələbəsinin noyabrın 1-də keçirdikləri etiraz toplantısının, habelə 2 noyabr tarixində Təhsil Nazirliyinin və Universitet rəhbərliyinin iştirakı ilə qrup nümayəndə heyətləri ilə aparılan müzakirələrin nəticəsində aydınlaşdırılmalı olan irad, xahiş və təkliflər təhlil olunaraq, sistemləşdirilib. Bu barədə Lent.az-a ali məktəbin Mətbuat və İnformasiya Şöbəsindən məlumat verilib.
Azərbaycan Universitetinin Elmi Şurasının komissiyası Təhsil Nazirliyinin mütəxəssisləri ilə birgə məsələləri araşdıraraq tədris prosesinə mane olmayan tədbirlərin tətbiqini mümkün sayıb. Tətbiq olunacaq güzəşt və imtiyazlar haqqında artıq tələbələrə məlumat verilib. Digər məsələlərə aid fərdi müraciətlərə mümkün olan ən qısa müddətdə, qanunvericilik və daxili prosedur qaydaları çərçivəsində baxılacaq.
Azərbaycan Universitetinin Elmi Şurası Təhsil Nazirliyinin və universitetin vahid mövqeyi olaraq təhsil sistemində qanunun aliliyinin təmin olunmasını vacib sayır. Təhsil prosesində təhsilin təşkilinə aid məsələlərdən təzyiq vasitəsi kimi istifadə olunması isə yolverilməzdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
