Fənlər üzrə test topluları yenidən nəşr edilib
21 sentyabr 2015 17:30 (UTC +04:00)

Fənlər üzrə test topluları yenidən nəşr edilib

Tələbə Qəbulu Üzrə Dövlət Komissiyası fənlər üzrə test toplularına əlavələr edərək yenidən nəşr edib.

TQDK-nın mətbuat xidmətindən Lent.az-a verilən məlumata görə, “Abituriyent” jurnalının xüsusi buraxılışı olan Azərbaycan dili, tarix, riyaziyyat, ədəbiyyat, coğrafiya və ingilis dili fənləri üzrə test topluları yeni əlavələrlə nəşr olunub.

Təqdim olunan test topluları əsaslı şəkildə yenidən işlənib və toplulara 2014-cü ilin nəşrlərində olmayan, təxminən 23000 yeni test  tapşırığı əlavə olunub. Toplu­dakı test tapşırıq­larının 25 faizi heç bir imtahanda istifadə olun­mamış tapşırıq­lardır. Bunlar test ban­kın­dakı tapşırıqların bütün modellərini əhatə edir və on­ların gələcəkdə imtahanlara düşməsi istisna olunmur. 

Toplulardakı tap­şırıqlar TQDK tərəfindən  müxtəlif illərdə və müxtəlif təyinatlı imtahanlarda – ali təhsil müəssisələrinə, tam və ümumi orta təhsil bazalarında orta ixtisas məktəblərinə və hərbi liseylərə qəbul imtahanlarında, sınaq imtahan­ların­da istifadə olun­muş tapşırıqlardan, habelə “Abitu­riyent” jur­nalının ayrı-ayrı say­ların­da dərc edilmiş model testlərdən ibarətdir.

Fənn müəllimləri və metodistlər təlim prosesində bu test variantlarından qiymətləndirilmə vasitəsi kimi istifadə edə bilə­cəklər. Hər bir müəllim bu testlər vasitəsilə həm də öz peşə hazırlığını yoxla­maq və artırmaq i­mka­nı əldə edəcək.

1 2 3 4 5 İDMAN XƏBƏRLƏRİ
# 148
avatar

Oxşar yazılar