1960-cı ildən qalan yollar Göyçay sakinlərini bezdirib -VİDEO

Göyçay rayonunun Qızılağac kəndində yolların bərbad vəziyyətdə olması sakinlərin narazılığına səbəb olub.

Lent.az APA TV-yə istinadən xəbər verir ki, 1960-cı ildə salınan kənd yollarında uzun illərdir əsaslı təmir aparılmayıb. Yollarda yaranan çala-çuxurlar, yayda toz-torpaq, yağışlı havalarda isə palçıq sakinlərin gündəlik həyatını çətinləşdirir.

Kənd sakini Şaiq Xəlilov bildirib ki, problemlə bağlı dəfələrlə müraciət etsələr də, nəticə olmayıb:

“Yollar bərbad gündədir. Maşın keçəndə toz qalxır, uşaqlarımız o tozu udur. Yağış yağanda isə vəziyyət daha da acınacaqlı olur”.

Qonşu Mollahacılı kəndinin sakini Səməd Cavad isə Qızılağac məktəbinə şagird daşıdığını, yolların vəziyyətinə görə avtomobilini tez-tez təmir etdirməli olduğunu deyib.

Məsələ ilə bağlı Azərbaycan Avtomobil Yolları Dövlət Agentliyindən (AAYDA) bildirilib ki, sözügedən yolda mütəmadi cari təmir işləri aparılır.

Qurumun məlumatına görə, müvafiq investisiya vəsaiti ayrıldıqdan sonra yolun əsaslı təmiri nəzərdə tutulur.

Göyçay Qızılağac kəndi Göyçayın yolları bərbad yollar kənd yolları yol problemi yol təmiri AAYDA Azərbaycan Avtomobil Yolları Dövlət Agentliyi sakinlərin şikayəti 1960-cı ildən qalan yollar APA TV Lent.az bölgə xəbərləri Göyçay xəbərləri kənd sakinləri əsaslı təmir