“Yaz havası” davam edir

Yaxın iki gündə respublika ərazisində hava şəraitində mühüm dəyişiklik gözlənilmir. Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədovanın Lent.az-a verdiyi məlumata görə, fevralın 15-16-da paytaxt ərazisində hava şəraitində mühüm dəyişiklik gözlənilmir.

Fevralın 15-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, səhər və axşam bəzi yerlərdə mülayim cənub küləyi əsəcəyi proqnozlaşdırılır. Gündüz mülayim şimal küləyi ilə əvəzlənəcək. Havanın temperaturunun gecə 3-6, gündüz 9-14 dərəcə isti olacağı gözlənilir.

Fevralın 16-da bəzi yerlərdə havanın dəyişkən buludlu, əsasən yağmursuz keçəcəyi gözlənilir. Bəzi yerlərdə duman olacağı, axşama doğru havanın tutulacağı proqnozlaşdırılır. Mülayim-cənub küləyi əsəcək. Havanın temperaturu gecə 3-6, gündüz 8-13 dərəcə isti olacaq.

Azərbaycanın rayonlarında fevralın 15-də havanın yağmursuz keçəcəyi, gecə və səhər duman olacağı, arabir güclənən şərq küləyinin əsəcəyi gözlənilir. Havanın temperaturunun gecə 1-6, gündüz 10-15 dağlarda gecə 0-5, gündüz 5-10 dərəcə isti olacağı proqnozlaşdırılır.

Fevralın 16-da havanın dəyişkən buludlu, gecə və axşam yağıntılı olacağı gözlənilir.

Jalə