“Müharibə uşaqların gözü ilə”

Bu gün Bakı Şəhər Gənclər və İdman Baş İdarəsi və Gəncliyə Yardım Fondunun təşkilatçılığı ilə Xocalı Soyqırımının XXI ildönümünə həsr olunmuş “Müharibə uşaqların gözü ilə” mövzusunda keçirilən inşa yazı müsabiqəsinin mükafatlandırma mərasimi keçirilib. Lent .az - ın məlumatına görə, tədbirdə Xocalı faciəsini əks etdirən foto - sərgi təşkil edilib. Xocalı faciəsini dünya ictimaiyyətinə tanıtmaq üçün on min şəxs və beynəlxalq təşkilatların e-mail ünvanlarına Xocalı faciəsini əks etdirən tam məlumatlar göndərilib, Xocalı faciəsini əks etdirən video - rolik təqdim edilib.

Tədbirin məqsədi Xocalı faciəsinin bütün həqiqətlərini olduğu kimi gənc nəsillərə çatdırmaq, orta ümumtəhsil məktəblərinin yuxarı sinif şagirdləri arasında təbliğatı gücləndirməkdən ibarətdir

Müsabiqəsinin qalibləri İlahə Hüseynzadə, Ülkər Piriyeva, Fidan Cəmilova Bakı Şəhər Gənclər və İdman Baş İdarəsi və Gəncliyə Yardım fondu tərəfindən müvafiq dərəcəli diplomlarla və pul mükafatları ilə təltif olunublar.