11 mindən çox uşaqda nevroloji problem aşkarlanıb - Bu ilin 6 ayında

2016-cı ilin 6 ayı ərzində 11000-dən çox uşaq Səhiyyə Nazirliyinin Uşaq Nevroloji Xəstəxanasına müraciət edib.

Səhiyyə Nazirliyindən Lent.az-a verilən məlumata görə, 1455 nəfər stasionar müalicəyə qəbul edilib. Onlardan 416 nəfər Ümumi şöbəyə, 262 nəfər Diaqnostika şöbəsinə, 255 nəfər Yenidoğulmuşların patologiyası şöbəsinə, 250 Uşaq selebral iflici şöbəsinə, 103 Kəskin süst ifliclərin differensial diaqnostikası şöbəsinə, 95 nəfər Reanimasiya və intensiv terapiya şöbəsinə qəbul edilib.

Zəruri müalicə aldıqdan sonra 1381 xəstə evə buraxılıb.