Türk Xalq Musiqisinin sevilən sənətçisi Burhan Çaçan 62 yaşında dünyasını dəyişib.
Lent.az xəbər verir ki, o, bu dəqiqələrdə İstanbuldakı evində həyatını itirib.
Müğənninin ürəktutmasından öldüyü məlum olub.
Xatırladaq ki, 17 oktyabr 1960-cı ildə Ağrı bölgəsində Eleşkirt kəndində dünyaya gələn Burhan Çaçan 1978-ci ildə Ərzurum Radiosunun təşkil etdiyi yarışmanı qazanıb. Yarışmadan sonra Ankaraya və İstanbula gedib. İlk albomunu 1981-ci ildə çıxaran sənətçi "Sefa Geldin", "Ben Yarime Neler Alayım", "İpek Mendil", "Memik Oğlan", "Ayaz Geceler", "Yağ Yağmur" və "Vurun Dalgalar" adlı albomları ilə musiqi dünyasında populyarlaşıb.
O, bundan başqa, "Ağlama", "Her Yer Karanlık", "Ayaz Geceler" və "Yağ Yağmur" adlı filmlərdə rol alıb.
.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
