"Bu ildən başlayaraq tələbələr təhsil haqqını “Edupay" vasitəsilə ödəyə bilərlər".
Lent.az xəbər verir ki, bu sözləri Təhsil Sisteminin İnformasiyalaşdırılması İdarəsinin baş məsləhətçisi Elçin Abışov deyib.
O bildirib ki, tələbələr bunun üçün ilk olaraq invoys nömrəsi almalıdırlar:
“Burada həm tələbənin təhsil aldığı ali məktəb, həm də təhsil haqqı borcu barədə məlumatlar yer alıb”.
E.Abışov əlavə edib ki, tələbələr, həmçinin, artıq onlayn şəkildə akademik borc ödənişlərini də edə bilərlər.