Sürücülük vəsiqəsi neçə müddətdə dəyişdirilir? - CAVAB

Lent.az-ın "bir sual, bir cavab" rubrikasında növbəti mövzu sürücülük vəsiqəsi ilə bağlıdır.

Sürücülük vəsiqəsi neçə günə dəyişdirilir?

Lent.az xəbər verir ki, sürücülük vəsiqəsinin dəyişdirilməsi dərhal həyata keçirilir.

Vəsiqənin dəyişdirilməsi üçün Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin şəxsiyyətini təsdiq edən sənəd və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

Sürücülük vəsiqəsi (sürücülük vəsiqəsinin itirilməsinə görə onun dəyişdirilməsi halı istisna olmaqla), habelə xarici dövlətin səlahiyyətli orqanı tərəfindən verilmiş sürücülük vəsiqəsi;

Qanunla müəyyən edilmiş dövlət rüsumunun ödənilməsi barədə sənəd (sürücülük vəsiqəsinin yazılarında dəqiqsizlik müəyyən edilməsi halı istisna olmaqla);

60 və daha çox yaşı olan şəxslər üçün, eləcə də siyahısı Azərbaycan Respublikası Səhiyyə Nazirliyi tərəfindən müəyyən edilən xəstəlikləri olan şəxslər üçün tibbi arayış tələb olunur.