Kartof düzgün yerdə saxlanılarsa, bütün qış təzə qala bilər.
Lent.az xəbər verir ki, kartofun bütün qış boyu çürümədən saxlanılması üçün bir neçə əsas qaydaya əməl etmək kifayətdir.
Mütəxəssislərin əsas tövsiyəsi kartofun günəş şüaları düşən yerdə saxlanılmamasıdır. Birbaşa günəş işığı kartofun yaşıllaşmasına və tərkibində zəhərli maddə olan solaninin yaranmasına səbəb ola bilər. Bu halda kartof sağlamlıq üçün təhlükəli sayılır və istifadəyə yararsız olur.
Eyni zamanda kartofu istilik mənbələrinin, soba, qaz plitəsi və ya radiatorların yaxınlığında saxlamaq da tövsiyə edilmir.
Kartofu harada saxlamaq daha düzgündür?
Kartofun cücərməməsi və çürüməməsi üçün onun üçün uyğun şərait yaradılmalıdır. Ən vacib şərtlərdən biri yaxşı havalandırmadır. Bu səbəbdən kartofun hava keçirməyən, qapalı qab və konteynerlərdə saxlanılması məqsədəuyğun hesab edilmir.
Kartof üçün ən ideal yer 4–6 dərəcə temperaturu olan zirzəmidir. Saxlamağa başlamazdan əvvəl zirzəminin duz, əhəng, mis kuporosu və sudan ibarət qarışıqla dezinfeksiya edilməsi tövsiyə olunur.
Alternativ olaraq kartofu eyvanda taxta yeşiklərdə saxlamaq və ya kağız torbalarda soyuducuya yerləşdirmək mümkündür. Lakin soyuducuda saxlanılan kartofun dadı dəyişə bilər, çünki aşağı temperaturda nişasta şəkərə çevrilir.
Kartofu saxlamazdan əvvəl görülməli vacib addım
Kartofun uzun müddət sağlam qalması üçün saxlamadan əvvəl mütləq çeşidləmə aparılmalıdır. Xəstə, zədələnmiş və çürüməyə başlayan kartoflar dərhal ayrılmalı və atılmalıdır. Məhz bu cür kartoflar infeksiya mənbəyinə çevrilərək digər sağlam kartofların da tez sıradan çıxmasına səbəb olur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
