Balkan ölkəsi Monteneqro sızdırılmış seks videoları ilə bağlı qalmaqaldan sarsılıb.
Lent.az-ın xarici mediaya istinadla məlumatına görə, prezidentin müşaviri Dejan Vuksiç və Miryana Pajkoviç arasında cinsi əlaqənin olduğu iddia edilən videolar onların istefasına səbəb olub. Pajkoviç Vuksiçi şantajda günahlandırır və videoların mövcudluğundan xəbərsiz olduğunu iddia edir. Hər iki tərəf bir-birinə qarşı cinayət işi qaldırıb.
Monteneqroda İnsan hüquqlarının təşviqi və müdafiəsi üzrə baş direktor Miryana Pajkoviç və prezidentin müşaviri Dejan Vuksiçin görüntüləndiyi iddia edilən videoların yayımlanması ölkədə geniş əks-səda doğurub. Qalmaqaldan sonra Vuksiçdən sonra Pajkoviç də istefa verdiyini açıqlayıb.
Bir vaxtlar romantik münasibətdə olduqları deyilən Pajkoviç və Vuksiçin görüntülərinin ictimaiyyətə açıqlanmasından sonra prezidentin müşaviri Dejan Vuksiç dekabr ayında istefa verib. Bu gün Mirjana Pajkoviç bu hadisələrə görə istefa verdiyini açıqlayıb.
Onların nə vaxt görüşməyə başladığı barədə heç bir rəsmi məlumat paylaşılmasa da, Vukşiçin evli olduğu ictimaiyyətə məlum idi. Digər tərəfdən, Pajkoviç sosial mediada paylaşdığı təxribatçı fotoları ilə tanınır.
Görüntülərin necə sızdırıldığı hələ də məlum olmasa da, Pajkoviç Dejan Vuksiçi onu şantaj etməkdə açıq şəkildə günahlandırıb. Pajkoviç iddia edir ki, Vuksiç görüntülərdən onu bu münasibət barədə susmağa məcbur etmək üçün təzyiq vasitəsi kimi istifadə edib.
Yaşadıqlarını ictimaiyyətlə bölüşən Pajkoviç qadınlara müraciət edərək, onların təhdid və təzyiq qarşısında susmamalarını vurğulayıb. Pajkoviç nüfuzlu insanlar tərəfindən təzyiq göstərildiyi təqdirdə səsini çıxarmağın vacibliyini vurğulayıb.
Pajkoviç videoların yayımlanmasına görə Dejan Vuksiçə qarşı cinayət işi qaldırıb. Vuksiç iddiaları rədd edərək, Pajkoviçin videoları çəkdiyini və ona qarşı təhdid edildiyini iddia edib. Vuksiç həmçinin Pajkoviçə qarşı cinayət işi qaldırdığını açıqlayıb.
Vuksiç bildirib: "Mən videoları ilk dəfə sosial mediada qanunsuz olaraq yayılanda gördüm. Mənə qarşı irəli sürülən ittihamlar yalandır".
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
