Ərinin ölümündən sonra onun telefonu dul qadına şok sirri açdı

Dul qadın ərinin ölümündən sonra onun uzun illər ondan nə gizlətdiyini öyrənib.

Şotlandiyadan olan 32 yaşlı Marianna Freyzer, oğulları Sorenin doğulmasından bir neçə gün sonra, 2022-ci ilin dekabrında intihar edən əri Liamın qəfil ölümündən sonra ikiqat zərbə ilə üzləşib. Ölümündən sonra Marianna ərinə baxışını dəyişdirən bir sirri kəşf edib.

Lent.az-ın xarici KİV-ə istinadən xəbərinə görə, polis əməkdaşları ona mərhum ərinin telefonunu verib və orada ərinin uzun illər xəyanətini ifşa edən yazışmalar tapıb.

“Oğlumuzu dünyaya gətirəndə məşuqəsinə zəng edib. Bu bir zərbə idi. İnana bilmədim, düşündüm ki, bu, doğuşdan sonrakı ağrıkəsicidən gələn hallüsinasiyadır”, - ibtidai sinif müəllimi işləyən və musiqiyə həvəsi olan Marianna paylaşıb.

Şok və ağrıya baxmayaraq, qadın həqiqəti öyrəndiyinə görə peşman deyil. Onun sözlərinə görə, bu, ona bir qədər inam və keçmişi bağlamağa imkan verib. “Sanki bütün xatirələr silinib. Artıq həyatda olmayan birinə qəzəblənmək çox qəribədir", - dul qadın vurğulayıb.

İndi Marianna enerjisini yaradıcılığa və oğluna qayğı göstərməyə yönəldib. O, "Open Hearts and Magic" adlı yeni musiqi albomu üzərində fəal işləyir və Soren ilə Cənub-Şərqi Asiyaya səyahət etməyi planlaşdırır.

“Bir seçimim var: evdə otur və quruyub get, ya da oğluma həyatın necə heyrətamiz olduğunu göstər. Mən əlimdən gələni edirəm. Soren xoşbəxt və sağlamdır və mən ona sahib olduğum üçün çox şadam”, - o əlavə edib.