Azərbaycanda sentyabrın 29-dan etibarən ali təhsil müəssisələrində dərslərin başlayacağı bəlli olsa da, tədrisin hansı formada təşkili ilə bağlı yekun qərar verilməyib.
Lent.az-ın məlumatına görə, artıq bir neçə universitet bununla bağlı bir neçə təklif irəli sürüb.
Universitetlər yeni tədris ilində dərslərin həm onlayn, həm də ənənəvi formada keçirilməsinin tərəfdarıdır.
Bəzi universitetlər mühazirə (həftədə 2 dəfə) dərslərinin onlayn, seminar (həftədə 3 dəfə) dərslərinin isə ənənəvi formada təşkili ilə bağlı qərar verməyə hazırlaşır.
Bəziləri isə tələbələrin jurnal sırası ilə ayırmağı planlaşdırır. Belə ki, jurnalda tək rəqəmlilər alt həftə, cüt rəqəmlilər isə üst həftə dərsə gələcəklər. Hər kəs öz həftəsində əyani təhsil, digər həftələrdə isə onlayn formada təhsil alacaqlar.
Xatırladaq ki, mövzu ilə bağlı Təhsil Nazirliyinin Elm, ali və orta ixtisas təhsili şöbəsinin müdiri Nicat Məmmədli bildirmişdi ki, yaxın günlərdə ali və orta ixtisas təhsili müəssisələri ilə bağlı Nazirlər Kabinetinin "Xüsusi karantin rejimi dövründə tədrisin təşkili" qərarına dəyişikliyin qəbul edilməsi gözlənilir:
“Pandemiyanın davam etdiyini nəzərə alaraq ali təhsil müəssisələrində auditoriyalarda çox sayda tələbənin olmasının əleyhinəyik. Aidiyyəti ali təhsil müəssisələrinin təklifləri təxminən budur ki, mühazirə dərslərində auditoriyada tələbələrin sayı çoxdursa, bu halda həmin dərslər onlayn keçirilsin. Yaxud da bir çox universitetlər təklif edir ki, təhsil növbəli şəkildə olsun. Belə olan halda onlar hesab edir ki, auditoriyada böyük kütlənin toplanmasının qarşısı alınacaq".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
