Maşınınızın yanmasını istəmirsinizsə, bunu edin - VİDEO

Son illər avtomobillərin hərəkətdə olarkən və dayanarkən qəflətən yanması tez-tez baş verir. Bu məqsədlə Bakı şəhər Dövlət Yol Polisi İdarəsi və “Avtosfer.az” saytı Kaspi -Yıldız şirkətinin dəstəyi ilə yanğın təhlükəsizliyi ilə bağlı sosial çarx hazırlayıb.

Lent.az xəbər verir ki, sosial çarxın hazırlanmasında əsas məqsəd sürücüləri yanğınsöndürən balondan istifadə qaydaları ilə bağlı maarifləndirmək, eləcə də həmin balonun avtomobildə olmasını təmin etməyə təşviq etməkdir.

Videoçarxın ideya müəllifi Bakı şəhər Dövlət Yol Polisi İdarəsinin şöbə rəisi, polis polkovniki Vaqif Əsədov və nəqliyyat üzrə ekspert Elməddin Muradlıdır.

Qeyd edək ki, təxminən 17-20 manat qiymətində olan bu balon dəyəri onminlərlə ölçülən əmlakın xilas edilməsi üçün əvəzedilməzdir. Yol polisi sürücülərə tövsiyyə edir ki, həmin balonların avtomobildə olmasını təmin etsinlər.

Ümid edirik ki, videoçarxa baxdıqdan sonra sürücülər mütləq şəkildə avtomobillərində bu balonun olmasını təmin edəcəklər.