Zidan hər kəsi təəccübləndirdi: 19 ildən sonra ikinci divizion oyunçusu milli komandaya çağırıldı

Böyük rəqabətə baxmayaraq, 21 yaşlı "Volfsburq"un müdafiəçisi Sael Kumbediyə şans verilib

Fransa millisinin baş məşqçisi Zinəddin Zidan noyabr ayında keçiriləcək Millətlər Liqası oyunlarından əvvəl gözlənilməz bir heyət qərarı verib.

Lent.az-ın xəbərinə görə, "Yuventus"un müdafiəçisi Pyer Kalulu zədələndiyinə görə Almaniyanın ikinci Bundesliqasında "Volfsburq"da oynayan 21 yaşlı Sael Kumbedi ilk dəfə milli komandaya çağırılıb.

Bu çağırış əsl tarixi nadir hal olub. İkinci dərəcəli diviziondan bir oyunçu Fransa millisinə sonuncu dəfə 19 il əvvəl çağırılmışdı. Bu, xüsusilə təəccüblüdür, çünki fransızlar dünya futbolunda ən geniş səviyyəli oyunçu seçimlərindən birinə malikdirlər.

Zidan niyə diqqətini ikinci Bundesliqanın oyunçusuna yönəldib?

“Havra”nın yetirməsi olan Kumbedi daha sonra “Lion”da oynayıb və 2025-ci ilin yayında “Volfsburq2a keçib. O vaxt alman klubu Bundesliqada oynayırdı, lakin 2025/26 mövsümünün sonunda 29 ildən sonra ilk dəfə pley-offda “Paderborna” uduzaraq aşağı liqaya düşüb.

Aşağı liqaya düşməsinə baxmayaraq, gənc fransız komandada oynamağa davam edib və milli komanda məşqçilərinin diqqət mərkəzində qalıb. Kumbedinin artıq Fransa gənclər komandasında oynamaq təcrübəsi var və 2022-ci ildə 17 yaşadək futbolçular arasında Avropa çempionatının qalibi olub.

O, əvvəlcə 21 yaşadək futbolçular komandasına çağırılıb, lakin Kalulunun zədə planlarını dəyişdirib. "Yuventus"un müdafiəçisi bud əzələsindən zədə alıb və Fransanın əsas sağ cinah müdafiəçisi Jül Kunde də sıradan çıxıb.

Zidan, əsasən, müdafiənin sağ cinahında oyunçu çatışmazlığı ilə üzləşib. "Çelsi"dən Malo Qyusto heyətdə qalıb, lakin məşqçi gənc Kumbedini seçərək başqa bir profil müdafiəçi əlavə etmək qərarına gəlib.

Sonuncu dəfə belə bir şey Trezeqenin dövründə baş verib.

Əvvəlki oxşar hadisə 2007-ci il fevralın 7-də baş veri. O zaman hücumçu David Trezeqe, Seriya B-də "Yuventus"da oynamasına baxmayaraq, Fransa millisində Argentinaya qarşı yoldaşlıq oyununda (0-1) meydana çıxıb.

Lakin vəziyyət tamamilə fərqli olub. Trezeqe artıq Dünya və Avropa çempionu tituluna sahib idi və onun klubu idman nəticələrinə görə deyil, Kalçiopoli qalmaqalı üzündən ikinci diviziona düşmüşdü. Turin klubu 2006-cı ildə zorla aşağı liqaya düşsə də, fransız hücumçusu da daxil olmaqla, onun bəzi ulduzları komandada qalıb.

Oxşar hadisə onun komanda yoldaşı Jan-Alen Bumsonqla da baş verib. 2006-cı ilin oktyabrında Fransa millisində, eyni zamanda ikinci divizionda çıxış edən "Yuventus"da da oynayıb.

Aşağı divizionlardan olan digər oyunçular, o cümlədən Fabien Bartez, Dide Siks və Maksim Bossis əvvəllər milli komandaya çağırılıblar.

Lakin, onların hamısı çağırış zamanı artıq böyüklər millisində oynayıblar. Lakin Kumbedi ilk dəfə yüksək liqa klub oyunçusu olmasa belə, çağırışını alıb.

Fransada müdafiəçilər həqiqətən bu qədər azdırmı?

İlk baxışdan Zidanın qərarı paradoksal görünür. Fransız oyunçular Avropanın demək olar ki, bütün aparıcı klublarında təmsil olunurlar və milli komandada yer uğrunda rəqabət adətən o qədər şiddətlidir ki, hətta yüksək liqalarda oynayan sabit oyunçular belə heyətdən kənarda qalırlar.

Lakin sağ cinah müdafiəçisi hazırda ən problemli mövqelərdən birinə çevrilib. Zədəli Kunde və Kalyulyu ilə yanaşı, alternativ namizədlərin də öz çatışmazlıqları var. Məsələn, Nordi Mukiele "Sunderland"də oynayır, Lorents Assinon və Kilian Sildilya isə klublarında kifayət qədər müntəzəm oyun vaxtı qazana bilmirlər.

Bundan əlavə, Zidan tədricən heyəti ilə təcrübə aparmaq istəyini nümayiş etdirir. O, əvvəllər beynəlxalq təcrübəsi az olan gənc oyunçuları heyətə cəlb edib.

Kumbedinin çağırılması bu siyasətin davamı kimi qəbul edilə bilər: məşqçi üçün təkcə klubun statusu və liqanın səviyyəsi deyil, həm də oyunçunun spesifik keyfiyyətləri, oyun təcrübəsi və komandanın ehtiyaclarına uyğunluğu vacibdir.

İndi gənc müdafiəçi noyabrın 12-də İtaliya və noyabrln 15-də Türkiyə ilə Millətlər Liqası oyunlarında debüt etmək şansına sahib olacaq.

Bir dəfə çağırılmaq Kumbedinin komandada daimi yer alacağına zəmanət verməsə də, onun hekayəsi artıq Fransa futbolunda müstəsna hala gəlib. Avropa nəhənglərindən olan oyunçuların hər mövqe uğrunda mübarizə apardığı milli komanda üçün ikinci Bundesliqanın debütantının meydana çıxması həqiqətən qeyri-adi haldır.