Daha bir marşrut kart sisteminə keçir
20 fevral 2020 10:16 (UTC +04:00)

Daha bir marşrut kart sisteminə keçir

Fevralın 24-dən 37 saylı marşrut xətti üzrə hərəkət edən avtobuslarda gediş haqqı “BakıKart” vasitəsilə ödəniləcək.

Bakı Nəqliyyat Agentliyindən Lent.az-a verilən məlumata görə, digər müntəzəm marşrut xətləri üzrə də nağdsız ödəniş sisteminə keçidlə bağlı işlər davam etdirilir. İş prosesinə uyğun olaraq qarşıdakı günlərdə digər marşrut xətləri də mərhələli şəkildə nağdsız ödəniş sisteminə inteqrasiya olunacaq. 

Eyni zamanda, agentliyin məlumatında nağd qaydada fəaliyyət göstərən avtobuslar mərhələli şəkildə xətlərdən çıxarılaraq onlarda müəyyən texniki montaj, kabelləşmə işləri görüldüyü qeyd olunur. Proses sərnişindaşımada fasiləsizliyin pozulmamasını, görülən işlərin sərnişinlərə təsir etməməsini nəzərə alınmaqla icra edilir.

1 2 3 4 5 İDMAN XƏBƏRLƏRİ
# 1255
avatar

Oxşar yazılar