"Hazırda paytaxtın əsas küçə və prospektlərində nəqliyyat vasitələrinin hərəkətində sıxlıq müşahidə olunur".
Lent.az məlumat verir ki, bu barədə Bakı Nəaliyyat Agentiliyinin (BNA) mətbuat xidmətinin rəhbəri Mais Ağayev bildirib. O qeyd edib ki, bu səbəbdən də əksər istiqamətlərdə müntəzəm və ekspress xətlər üzrə avtobusların hərəkət intervalında gecikmələr var.
M.Ağayev sıxlıq olan əraziləri də açıqlayıb:
"Heydər Əliyev prospekti - köməkçi yolda Ələsgər Qayıbov küçəsi ilə kəsişmədən başlayaraq şəhər istiqamətində Heydər Əliyev Mərkəzinədək.
A.Salamzadə küçəsi - Z.Bünyadov prospekti istiqamətində.
Koroğlu Rəhimov küçəsi - Akademik Həsən Əliyev küçəsi ilə kəsişmədən başlayaraq
Heydər Əliyev prospekti istiqamətində.
Yusif Səfərov küçəsi - Heydər Əliyev prospekti istiqamətində.
Z.Bünyadov prospekti - 20 yanvar dairəsi istiqamətində Atatürk prospekti ilə kəsişməyədək.
Afiyəddin Cəlilov küçəsi - sıxlıq
Babək prospekti - Yusif Səfərov prospekti istiqamətində".