4 marşrut xəttinin hərəkət qrafiki dəyişdirilir

Martın 4-də aparılan təmir-bərpa işləri ilə əlaqədar olaraq Xudu Məmmədov küçəsi Vunqtau küçəsinin kəsişməsindən “H.Aslanov” metrostansiyası istiqamətində nəqliyyat vasitələrinin hərəkətinə tətbiq edilən məhdudiyyət səbəbindən M1, M2, M6 və 104 nömrəli müntəzəm marşrutların hərəkət sxemləri müvəqqəti dəyişdirilib.

Bu barədə Lent.az-a Bakı Nəqliyyat Agentliyindən məlumat verilib.

Həmin marşrutların hərəkət sxemləri bu qaydada olacaq:

M2 nömrəli ekspres marşrut “Həzi Aslanov “ metrostansiyası istiqamətində Ukrayna dairəsi – Vunqtau küçəsi – Sadıqcan küçəsi – Xudu Məmmədov küçəsi – Məhəmməd Hadi küçəsi daha sonra öz hərəkət sxemi üzrə;

M1, M6 nömrəli ekspres marşrut “Həzi Aslanov “ metrostansiyası istiqamətində Ukrayna dairəsi – Məhəmməd Hadi küçəsi geriyə dönmə manevri etməklə , daha sonra öz hərəkət sxemi üzrə;

104 nömrəli müntəzəm marşrut “Həzi Aslanov “ metrostansiyası istiqamətində Gəncə prospekti – Vunqtau küçəsi - Ukrayna dairəsi – Məhəmməd Hadi küçəsi geriyə dönmə manevri etməklə daha sonra öz sxemi üzrə hərəkəti müəyyən edilib.