Bu gün I ixtisas qrupu üzrə qabiliyyət imtahanı başa çatır
30 iyul 2012 11:00 (UTC +04:00)

Bu gün I ixtisas qrupu üzrə qabiliyyət imtahanı başa çatır

Bu barədə Lent.az-a Tələbə Qəbulu üzrə Dövlət Komissiyasının mətbuat xidmətindən məlumat verilib.

I ixtisas qrupunda xüsusi qabiliyyət imtahanı tələb edən ixtisaslara qəbul olmaq istəyən və qabiliyyət imtahan komissiyasında qeydiyyatdan keçmiş abituriyentlər iyulun 24-dən 30-dək qabiliyyət imtahanı verməlidirlər. Qabiliyyət imtahanını müvəffəqiyyətlə verən abituriyentlər ixtisas seçimi zamanı elektron ərizələrində müvafiq ixtisasın kodunu göstərə bilərlər. Qabiliyyət imtahanından müvəffəqiyyətlə keçməyən abituriyentlər isə I ixtisas qrupuna daxil olan digər ixtisasların müsabiqəsində iştirak edə biləcəklər.

Qeyd edək ki, 2012/2013-ci tədris ili üçün ali təhsil müəssisələrinə və tam orta təhsil bazasından (11 illik) orta ixtisas təhsili müəssisələrinə I ixtisas qrupu üzrə qəbul imtahanı keçirilib. İmtahan Bakı, Naxçıvan, Gəncə, Sumqayıt, Şəki və Lənkəranda keçirilib. Qeyd olunan ixtisas üzrə keçid balı 150 bala qədər endirilib.

Anar
1 2 3 4 5 İDMAN XƏBƏRLƏRİ
# 741

Oxşar yazılar