Abel Məhərrəmov: “... məsuliyyət mənim üzərimdə qalacaq”
05 iyun 2009 10:00 (UTC +04:00)

Abel Məhərrəmov: “... məsuliyyət mənim üzərimdə qalacaq”

“Mənim düşüncəmə görə, şəhər mərkəzindən kənarda, boş ərazidə böyük bir məscid tikilməli və insanların ixtiyarına verilməlidir. Bəlkə onda şəhərin mərkəzindəki məscidlərdə yaranan sıxlıq və gərginlik aradan qalxar”.

APA-nın xəbərinə görə, bu sözləri Bakı Dövlət Universitetinin (BDU) rektoru Abel Məhərrəmov keçirdiyi mətbuat konfransında deyib. O, BDU-nun ərazisində fəaliyyət göstərən və “İlahiyyat məscidi” kimi tanınan ibadət ocağı ilə bağlı məsələyə yenidən aydınlıq gətirib.


Rektor bildirib ki, həmin məscidin BDU ilə heç bir əlaqəsi yoxdur və onu “İlahiyyat məscidi” adlandırmaq düzgün deyil: “Bu məscidin fəaliyyəti üçün heç bir hüquqi sənəd yoxdur. Məscid 1991-1992-ci illərdə tikilib və orada yalnız 250-300 nəfərin namaz qılması üçün şərait var. Ancaq məscidə 8 min insan namaza gəlir. Hətta namaz vaxtı insanlar universitetin yataqxanasına belə dolurlar. Sabah hər hansı hadisə baş versə, rektor kimi məsuliyyət mənim üzərimdə qalacaq”.

A. Məhərrəmov son vaxtlar universitetə daxil olan bütün şəxslərin xüsusi cihazla yoxlandığını, təhlükəsizlik tədbirlərinin gücləndirildiyini söyləyib.
# 818

Oxşar yazılar