“Dövlət komitəsində “Neft daşları”nda inşa olunmuş hansısa məscid qeydiyyatdan keçməyib”

Dini Qurumlarla İş üzrə Dövlət Komitəsinin şöbə müdiri belə deyib

“Nə “Neft daşlar”ında hər hansı məscidin tikilməsi ilə bağlı icazə olub, nə də orada hansısa dini icma dövlət qeydiyyatından keçib”. Bunu APA-ya açıqlamasında Dini Qurumlarla İş üzrə Dövlət Komitəsinin Dini qurumlarla iş şöbəsinin müdiri Gündüz İsmayılov bildirib. Dövlət komitə rəsmisi deyib ki, “Neft daşları”nda hansısa məscid tikilibsə də, dövlət komitəsində sənədləşdirilməyib. G. İsmayılovun sözlərinə görə, bütün hallarda sözügedən ərazidə məscidin sökülüb-sökülmədiyi ilə bağlı məlumatlar araşdırılacaq.

Qeyd edək ki, dünən “Neft daşları”nda bir neçə ay əvvəl inşa edilən məscidin sökülməsi ilə bağlı məlumatlar yayılıb.

Xatırladaq ki, bu ilin aprelin 24-də Bakının Yasamal rayonunda qanunsuz inşa edilən və “Peyğəmbərimiz Məhəmmədin məscidi” adı verilən məscid də sökülüb.