Attestatlar iyunun 25-dək veriləcək
08 iyun 2010 10:15 (UTC +04:00)

Attestatlar iyunun 25-dək veriləcək

Daşqın bölgəsində buraxılış imtahanlarından azad edilmiş məktəblərdə təhsil alan 11-ci sinif şagirdlərinə attestatın verilməsi ali məktəblərə qəbul üçün nəzərdə tutulmuş vaxtadək başa çatacaq.

Lent.az-ın məlumatına görə, təhsil naziri Misir Mərdanov jurnalistlərə açıqlamasında belə deyib. Onun sözlərinə görə, iyunun 24-25-dək bütün məzunların attestatı onların özlərinə çatdırılacaq.

Misir Mərdanov deyib ki, dünən qərb bölgəsində 11-ci sinif şagirdləri üçün keçirilən buraxılış imtahanlarının nəticələri bu gün bəlli olacaq. Həmin bölgədə bu gün 9-cu siniflər üçün imtahanlar keçirilir və onun nəticələri sabah bilinəcək. Amma bütün nəticələr ictimaiyyətə imtahan prosesi başa çatdıqdan sonra elan olunacaq.

Elxan SALAHOV
# 759

Oxşar yazılar