Müsavat Partiyası qurultay keçirilməsinə yer ayrılması üçün bu həftə ərzində Bakı Şəhər İcra Hakimiyyətinə rəsmi müraciət etməyi planlaşdırır. Bu barədə Lent.az-a partiya başqanının müavini Gülağa Aslanlı məlumat verib.
O bildirib ki, partiyanın dünən keçirilən Məclis toplantısında qurultayın keçirilməsi barədə məsələ yenidən gündəmə gəlib və bu həftə ərzində təşkilat komitəsi qurultayla bağlı texniki işləri müzakirə edəcək: “Biz qurultayımızı keçirməyə tam hazırıq. Bakı Şəhər İcra Hakimiyyəti yer ayırsa, qurultay baş tutacaq. Təşkilat komitəsinin bu həftə ərzində iclasları olacaq və yəqin ki, o iclaslarda yer ayrılması ilə üçün Bakı Şəhər İcra Hakimiyyətinə müraciət edilməsi məsələsi də müzakirəyə çıxarılacaq”.
G.Aslanlı onu da bildirib ki, qurultay yeri üçün BŞİH-dən istəyəcəkləri əsas yer Əl Oyunları Sarayı olacaq: “Ancaq bu yeri ayırmaq istəməsələr də, 800-1000 nəfərlik digər bir məkanda qurultayımızı keçirə bilərik”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
