Azərbaycan ATƏT-in Varşava bürosu ilə münasibətlərini dayandırsın - TƏKLİF

“ATƏT-in seçkilərlə bağlı yekun hesabatını qəbul etmirəm və hesab edirəm ki, bu qurum casus şəbəkəsidir. Həm ATƏT-in Minsk qrupu, həm də Varşava bürosu ilə bağlı eyni fikirdəyəm. Bu hesabat Azərbaycan hökumətinə qarşı edilmiş şantajdır”.

Lent.az-ın məlumatına görə, bu sözləri Milli Məclisin bugünkü sessiyasında çıxış edən deputat Zahid Oruc deyib.

Z. Oruc Azərbaycan dövlətini ATƏT-in Varşava bürosu ilə münasibətlərini kəsməyə çağırıb: “Hesab edirəm ki, bu qurumla münasibətlər ölkəmizə heç bir şey vermir”.

Deputat eyni zamanda Binə Ticarət Mərkəzində baş vermiş yanğınla bağlı da danışıb.
O bildirib ki, Binə Ticarət Mərkəzinin növbəti dəfə yanması hər şeydən əvvəl sahibkarlıq mühitinə zərbədir: “Bu qurumlarda açıq-aşkar hüquqsuzluq baş alıb gedir. Burada heç bir hüquqi münasibətlər yoxdur. Şərtlər gündəlik və ya həftəlik dəyişir. Mən İqtisadi İnkişaf Nazirliyinə müraciət edirəm ki, bu tipli ticarət mərkəzlərində monitorinq aparsın və bu barədə ölkə prezidentə məlumat versin”.