“Mənim adım Milli Şuranın siyahısına salınandan özüm bundan məlumatsız idim. Siyahı qəzetdən çıxanda mənə dedilər ki, səni də Milli Şuraya salıblar. O vaxtı heç bir jurnalist mənimlə əlaqə saxlamadı, mən də ona deyim ki, Milli Şuranın üzvü deyiləm. Mən heç vaxt Milli Şuranın üzvü olmamışam və bu qurumun üzvü olmağa da razılıq verməmişəm.”
Bu sözləri Lent.az-a açıqlamasında Milli Şuranın dünənki sessiyasında qurumdan çıxarılan Açıq Cəmiyyət Partiyasının sabiq sədri Akif Şahbazov deyib.
O bildirib ki, heç vaxt Milli Şuranın hansısa üzvü ilə təması olmayıb: “Milli Şuraya daxil ediləndə necə xəbərsiz idimsə, oradan çıxarılanda da elə xəbərsiz qaldım. Jurnalistlər zəng edir deyir ki, sizi Milli Şuradan çıxarıblar. Milli Şurada olub-olmamağın mənim üçün heç bir əhəmiyyəti olmayıb. Mən özümü heç vaxt Milli Şuranın üzvü hesab etməmişəm. Məni ora necə salıblarsa, onu da adımı o siyahıya yazanlardan soruşun”.
Akif Şahbazov onu da deyib ki, Milli Şura kontingentinə daxil olan şəxslərlə bir qurumda təmsil olunmağı heç vaxt istəməyib və istəməz.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
