Azərbaycanda 1 sentyabrda keçiriləcək növbədənkənar parlament seçkilərində bir çox yeniliklərin olacağı gözlənilir. Seçki nəticəsində yeni simaların da parlamentdə təmsil olunacağı istisna edilmir. Bu şəxslərdən biri də ictimai-siyasi xadim, Azərbaycan-Türkiyə Qadınlar Cəmiyyəti, Azərbaycan-Türkiyə Evinin sədri Tənzilə Rüstəmxanlının olacağı iddia edilir.
Lent.az xəbər verir ki, məsələ ilə bağlı Globalinfo.az-a danışan Tənzilə Rüstəmxanlı xəbəri təsdiq edib.
O, namizədliyini irəli sürdüyünü bildirib:
“Bəli, bu il Neftçala rayonu 61 saylı seçki dairəsindən namizədliyimi irəli sürmüşəm. Yəqin ki, imza vərəqlərini sabah götürərəm. Bundan sonra artıq imza toplamağa başlayacağam”.
Qeyd edək ki, həmin dairənin hazlrkı deputatı Tənzilə Rüstəmxanlının həyat yoldaşı Sabir Rüstəmxanlıdır
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
