Prezident İlham Əliyev Rusiya prezidentini təbrik edib
13 sentyabr 2011 19:30 (UTC +04:00)

Prezident İlham Əliyev Rusiya prezidentini təbrik edib

Lent.az-ın “AzərTAc”a istinadən verdiyi məlumata görə, təbrikdə qeyd olunur ki, Dmitri Medvedevin rəhbərliyi altında Rusiya dövlət və demokratiya təsisatlarının təkmilləşdirilməsi, iqtisadiyyatın və sosial sahənin modernləşdirilməsi yolu ilə inamla irəliləyir, ölkənin beynəlxalq aləmdə nüfuzu artır.
Təbrikdə vurğulanır ki, Azərbaycan ilə Rusiya arasında bu gün strateji tərəfdaşlıq xarakteri kəsb etmiş ənənəvi dostluq, mehriban qonşuluq münasibətlərinin inkişafına və möhkəmlənməsinə Rusiya Federasiyasının prezidenti sanballı töhfə verib: “Sizin Ermənistan-Azərbaycan, Dağlıq Qarabağ münaqişəsinin beynəlxalq hüququn norma və prinsipləri əsasında tənzimlənməsinə yönəlmiş səyləriniz Azərbaycanda böyük razılıqla qarşılanır. Əminəm ki, bizim dövlətlərarası münasibətlərimiz, çoxşaxəli əməkdaşlığımız xalqlarımızın rifahı naminə, Qafqazda sülh, sabitlik və təhlükəsizlik naminə bundan sonra da uğurla inkişaf edəcək və genişlənəcək. Mən bizim aramızda yaranmış, qarşılıqlı hörmətə və etimada əsaslanan şəxsi münasibətləri yüksək qiymətləndirirəm. Əziz Dmitri Anatolyeviç, Sizə və bütün ailənizə möhkəm cansağlığı, firavanlıq və uğurlar diləyirəm”.
# 417

Oxşar yazılar