Milli Məclisin iclası başlayıb
06 may 2011 12:46 (UTC +04:00)

Milli Məclisin iclası başlayıb

Lent.az xəbər verir ki, Milli Məclisin sədri Oqtay Əsədovun təklifi ilə Şuşanın işğalının ildönümü ilə bağlı şəhidlərin ruhu bir dəqiqəlik sükutla yad edilib.



bugünkü iclasda gündəliyə 6 məsələ təklif olunur. Gündəlikdə duran 1-ci məsələ “Azərbaycan Respublikasının İnsan Hüquqları üzrə müvəkkili (Ombudsman) haqqında” Azərbaycan Respublikasının Konstitusiya Qanununda dəyişiklik edilməsi barədə Konstitusiya Qanununun müzakirəsidir.


İclasda, Naxçıvan Muxtar Respublikasının Konstitusiyasında dəyişikliklərin təsdiq edilməsi haqqında Azərbaycan Respublikası Konstitusiya qanununun layihəsi müzakirə ediləcək.


Bundan əlavə, Xəzər Dənizinin Azərbaycan sektorunda Şəfəq-Asiman dəniz blokunun kəşfiyyatı, işlənməsi və hasilatının pay bölgüsü haqqında imzalanmış sazişin qəbul və təsdiq edilməsi, həyata keçirilməsinə icazə verilməsi barədə, Balakən rayonunun inzibati ərazi bölgüsündə qismən dəyişikliklər edilməsi haqqında, həmçinin, Gömrük Məcəlləsinin layihəsi haqqında da müzakirələr aparılacaq.

İclas deputatların çıxışları ilə davam etdirilir.

Anar GƏRAYLI
# 436

Oxşar yazılar