Vaqif Sadıqov etimadnaməsini San Marinonun Regent Kapitanlarına təqdim edib
22 fevral 2011 13:02 (UTC +04:00)

Vaqif Sadıqov etimadnaməsini San Marinonun Regent Kapitanlarına təqdim edib

Azərbaycan Respublikasının İtaliyadakı, eyni zamanda San Marino Respublikasında akkreditə olunmuş səfiri Vaqif Sadıqov öz etimadnaməsini San Marino Respublikasının Regent Kapitanları Covanni Françesko Uqolini və Andreya Zafferaniyə təqdim edib.


Xarici İşlər Nazirliyinin mətbuat xidmətindən Lent.az-a verilən məlumata görə, mərasim zamanı Vaqif Sadıqov iki ölkə arasında bütün sahələr üzrə əməkdaşlığın genişlənməsi istiqamətində fəaliyyət göstərəcəyini söyləyib.

Regent Kapitanları Covanni Françesko Uqolini və Andreya Zafferani Azərbaycan xalqına öz dərin ehtiramlarını ifadə edib, əmin-amanlıq və firavanlıq arzu ediblər.

Mərasimdə San Marino xarici işlər naziri Antonella Mularoni, İtaliya Respublikasındakı səfiri Daniela Rotondaro, Parlamentin xarici əlaqələr komitəsinin sədri, Xarici İşlər Nazirliyinin siyasi əlaqələr idarəsinin rəisi Federika Bici və Azərbaycanın İtaliyadakı səfirliyinin ikinci katibi Erkin Heydərli və üçüncü katibi İlqar Fərəcov iştirak ediblər.
1 2 3 4 5 İDMAN XƏBƏRLƏRİ
# 569

Oxşar yazılar