Prezident Aparatı, MSK rəhbərliyi və icra başçılarının iştirakilə toplantı keçiriləcək
02 mart 2009 17:30 (UTC +04:00)

Prezident Aparatı, MSK rəhbərliyi və icra başçılarının iştirakilə toplantı keçiriləcək

Müşahidəçilərin sayı 18 mini keçib

Martın 18-də keçiriləcək ümumxalq səsverməsini (referendum) müşahidə etmək üçün Mərkəzi Seçki Komissiyasına (MSK) 966 müraciət daxil olub. Həmin şəxslər MSK-da qeydiyyatdan keçməklə ölkənin istənilən yerində müşahidə aparmaq imkanı qazanıblar. Lent.az-ın xəbərinə görə, bu barədə MSK sədri Məzahir Pənahov məlumat verib. O bildirib ki, DSK-lar üzrə müşahidəçilik aparmaq üçün müraciət edənlərin sayı 17795 nəfərdir: “Bütün müraciətlər müsbət cavablandırılıb, yəni müşahidəçilik etmək niyyətində olan şəxslərin hamısı qeydiyyatdan keçib”.

M.Pənahov onu da bildirib ki, martın 3-də Prezidentin İcra Aparatının nümayəndələri, MSK rəhbərliyi, rayon icra hakimiyyətləri başçıları, DSK sədrlərinin iştirakilə tədbir keçiriləcək. Tədbir ATƏT-lə əməkdaşlıq çərçivəsində baş tutur.

Pərvin ABBASOV
# 1041

Oxşar yazılar