Kompüterdə saatlarla işləməyin fəsadları: quru göz, bulanıq görmə...

İnsanlar adətən dəqiqədə 20 dəfə göz qırpırlar, lakin diqqəti ekrana cəmləyərkən bu nisbət bir və ya üç dəfə azalır.

Lent.az xarici KİV-ə istinadən xəbər verir ki, “Hycosan&Optase Eye Care” şirkəti tərəfindən aparılan araşdırma, kompüterdə saatlarla işləməyin fəsadlarını göstərib.

Qeyd edilir ki, daha az göz qırpma tezliyi gərginlik, bulanıq görmə və baş ağrılarına səbəb olan quru gözlərin görünüşü ilə nəticələnir. Mütəxəssislərin fikrincə, insanlar adətən dəqiqədə 20 dəfə göz qırpırlar, lakin diqqəti monitorda cəmləyəndə bu tezlik birdən üç dəfəyə enir.

Araşdırma nəticəsində məlum olub ki, Böyük Britaniya əhalisinin yarıdan çoxu iş həftəsini ekran qarşısında keçirir, tipik ofis işçisi gündə 5,5 saatdan çox ekrana baxır. Respondentlərin 88%-i gözlərinin təsirləndiyini etiraf edib. Baş ağrıları müşahidə edilənlərin üçdə birindən çoxuna təsir edib və hər beşdə birində bulanıq görmə müşahidə edilib.

Tədqiqatın müəlliflərindən biri olan ekspert Sabrina Şah-Desai, "Ekranlar həyatımızı ələ keçirərək, gözlərimizə qulluq etmək üçün addımlar atmağı, süni işıq və rəqəmsal cihazlardan müntəzəm fasilələr verməyi vacib edir" dedi.