İtalyansayağı uzunömürlülük qarışığı – Sizi bir çox xəsətliklərdən qoruyacaq

Hər birimiz uzun və sağlam həyat arzulayırıq və məlum olur ki, bu, hər kəs üçün mövcud olan məhsullar sayəsində olduqca mümkündür.

Lent.az xəbər verir ki, zeytun və acı çili bibərinin birləşməsi inanılmaz faydalı xüsusiyyətlərə malikdir.

Zeytun yağı əsasında hazırlanmış italyan uzunömürlülük qarışığı Aralıq dənizi pəhrizinin simvoluna çevrilib. Bu məhsul ürək-damar xəstəlikləri, piylənmə, 2-ci tip şəkərli diabet, hipertoniya və metabolik sindrom riskini azaltmaqla yanaşı, orqanizmi yaşlanma ilə bağlı müxtəlif xəstəliklərdən də qoruyur.

İtalyanlar zeytun yağı və acı çili bibərinin birləşməsinin bir çox faydalı xüsusiyyətləri olduğunu iddia edirlər. Acı bibərin aktiv komponenti olan kapsaisin antioksidant, iltihab əleyhinə və ağrıkəsici xüsusiyyətlərə malikdir. Bu unikal tərkib hissəsi qan dövranını yaxşılaşdırır, oynaqların və əzələlərin iltihabını azaldır, orqanizmi sərbəst radikallardan qoruyur, qan laxtalanmasının qarşısını alır və qocalma prosesini ləngidir.

Elmi araşdırmalar təsdiqləyir ki, kapsaisin sağlam toxumalara təsir etmədən xərçəng riskini azalda və xərçəng hüceyrələrinin sayını azalda bilər.

Çili bibəri ilə zeytun yağı xüsusilə psoriaz, diskopatiya, revmatoid artrit, diabetik neyropatiya, həmçinin lupus, difteriya və ya Lyme xəstəliyinin inkişafı ilə əlaqəli nevraljidən əziyyət çəkən insanlar üçün tövsiyə olunur.

Bu uzunömürlülük italyan qarışığını necə hazırlamaq olar?

Sizə 1 stəkan sızma zeytun yağı, 10 kiçik qurudulmuş bibər və bir budaq rozmarin lazımdır. Çili bibərini doğrayın, qaranlıq bir şüşəyə qoyun, rozmarin əlavə edin və ilıq zeytun yağı tökün. Beş gün onu saxlayın, sonra gündəlik pəhrizinizə əlavə edərək həm xarici, həm də daxili istifadə edə bilərsiniz.