Bu qidalar ödəm atır və arıqladır

Ödəm adətən əllərdə, ayaqlarda və ayaqlarda görünür və bədənin ağırlaşmasına səbəb olur.

Lent.az xəbər verir ki, ödəm menstruasiya, menopoz, artıq çəki, kifayət qədər su istehlakı, həddindən artıq duz-şəkər istifadəsi və oturaq həyat nəticəsində baş verir. Aşağıdakı qidalar həzm sistemini tənzimləyərək, ödəmin aradan qaldırılmasında təsirli rol oynayır.

Qaragilə

Tərkibində A, B, C vitaminləri və yüksək lif olan qaragilə həzm sisteminin effektiv işləməsinə və orqanizmin ödəmi aradan qaldırmasına kömək edir.

Xiyar

Demək olar ki, əsas hissəsi su olan xiyar bədəndə suyun miqdarını çoxaldır və eyni zamanda ödəmi atır. İçməli suya bir az xiyar doğrayın və bir neçə saat gözlədikdən sonra istehlak edin. Bu şəkildə bədəndəki ödəmi aradan qaldıra bilərsiniz.

Yaşıl çay

Pəhrizlərin əvəzolunmazı olan yaşıl çay orqanizmi infeksiyalara qarşı qoruyur və ödəmi aradan qaldırmağa kömək edir.

Qatıq

Qatığın tərkibindəki probiotiklər immunitet sistemini gücləndirir və orqanizmdən toksinləri çıxarmağa imkan verir. Bədəndə ödəm əmələ gəlməsinin qarşısını almaqda da çox təsirlidir.

Adaçayı

Adaçayının tərkibindəki sidikqovucu maddələr sayəsində ödəmi aradan qaldırmağa kömək edir.

Yulaf

Yulafda bol olan lif və beta qlükan bağırsaqları aktivləşdirir və bununla da ödəmin aradan qaldırılmasına kömək edir.

Turp

Təbii sidikqovucu qidalar arasında yer alan turp bədəndən artıq suyun çıxarılmasında çox təsirlidir.

Cəfəri

Cəfərinin tərkibindəki aktiv maddələr sayəsində təbii sidikqovucu təsir göstərir. Tərkibində çoxlu lif, həmçinin A və C vitaminləri var.

Ananas

Ananas tərkibindəki bromelain sayəsində orqanizmdən suyun xaric olmasını artırır. O, həmçinin kalium və liflə zəngindir.

İnsanın gündəlik normada su qəbul etməsi ödəmi aradan qaldırmaq baxımından çox əhəmiyyətlidir. Su bədəndəki natrium miqdarını azaldır və şişkinliyi aradan qaldırır.