Antibiotiklər kişinin dilini yaşıl və tüklü etdi

ABŞ-də bir kişidə nadir hallarda rast gəlinən dilinə yaşıl tük çıxıb.

Lent.az "Gazeta.ru" saytına istinadən xəbər verir ki, bu barədə "Wright-Patterson" Tibb Mərkəzinin həkimləri bildiriblər.

64 yaşlı kişi klinikaya getməzdən bir neçə həftə əvvəl dilində dəyişikliklər hiss edib.

Tibbi müayinə zamanı dildə uzanmış yaşıl rəngli filiform papillalar aşkar edilib.

Yaşıl tüklü dil kimi tanınan bu vəziyyət dildə ölü dəri hüceyrələrinin yığılması nəticəsində yaranır ki, bu da dili əhatə edən papillaların uzanmasına səbəb olur. Qida hissəcikləri, bakteriyalar və maya onların üzərinə çökür. Rəng qara, qəhvəyi, sarı və ya yaşıl ola bilər.

Yaşıl tüklü dil, ağız boşluğunun gigiyena qaydalarına riayət edilməməsi, siqaret çəkmə və ya dildəki ölü dərini silməyən yalnız yumşaq qidalar yemək səbəbindən antibiotik qəbul etdikdən sonra görünə bilər. Kişinin vəziyyətində, qeyri-adi dil dəyişikliyi çox güman ki, antibiotiklərə görə olub.

Xəstəyə dilini diş fırçası ilə yumşaq bir şəkildə təmizləmək və siqareti buraxmaq tövsiyə olunub. Nəhayət, siqaret çəkməyə davam etsə də, adamın dili normallaşıb.