Uzunömürlü insanlar bu qidaları yeyirlər - SİYAHI

Dünyanın müxtəlif yerlərində uzunömürlülər xüsusi qidalanma rejiminə riayət edirlər və onların menyusunda bəzi məhsullar daim təkrarlanır.

Lent.az xəbər verir ki, uzunömürlülük və möhkəm sağlamlıq böyük ölçüdə qidalanmadan asılıdır. Uzun ömür sürən insanlar, adətən, elə bir qida rejiminə əməl edirlər ki, bu da onlara ahıl yaşda belə gümrah və fəal qalmağa kömək edir.

Bu məhsullar sadəcə faydalı deyil — onlar gəncliyin və enerjinin qorunmasına kömək edir. Bu qidaları rasiona daxil etməklə uzun və sağlam həyat ehtimalını xeyli artırmaq mümkündür.

Uzunömürlülərin rasionunda əsas qidalar

Lobya bitkiləri — noxud, lobya, mərcimək və kikerçi (nuxud) — zülal və antioksidantlarla zəngindir. Zülallar hüceyrələrin quruluşunu qoruyur və yaşlı insanlarda əzələ kütləsinin azalmasının qarşısını alır. Antioksidantlar isə orqanizmin hüceyrə səviyyəsində cavanlaşmasına kömək edir. Bundan əlavə, paxlalılar ürəyin fəaliyyətinə müsbət təsir göstərir və qandakı şəkər səviyyəsinə nəzarət etməyə kömək edir.

Yaşıl yarpaqlı tərəvəzlər — məsələn, kələm, ispanaq və rukkola — orqanizmdə viruslara qarşı mübarizəni gücləndirən vitamin və minerallarla zəngindir, bu da qocalma prosesini ləngidir və immun sistemini möhkəmləndirir.

Zeytun yağı — ürək və damar sağlamlığına müsbət təsir göstərən, eyni zamanda orqanizmi iltihablardan qoruyan omega-3 və omega-6 doymamış yağ turşularının mənbəyidir.

Qoz-fındıq məhsulları — qoz, badam və yerfındığı — ürək-damar və sinir sisteminin fəaliyyətini dəstəkləyən faydalı yağlar, zülallar və vitaminlərlə zəngindir. Bundan əlavə, bu məhsullar demensiya və Altsheymer xəstəliyi riskini azaltmağa kömək edir.

Tam taxıllı məhsullar — təmizlənməmiş düyü, yulaf, arpa və qarabaşaq — orqanizmi enerji ilə təmin edir, həzm sisteminin fəaliyyətini yaxşılaşdırır və şəkərli diabetin yaranma ehtimalını azaldır.

Fermentasiya olunmuş məhsullar — məsələn, turş kələm və kimçi — bağırsaq sağlamlığını dəstəkləyən və immuniteti gücləndirən prebiotiklərlə zəngindir.

Giləmeyvələr — qaragilə, moruq, çiyələk və digər növlər — hüceyrələrin qocalma prosesini ləngidən və onkoloji, eləcə də yaşla bağlı xəstəliklərdən qoruyan antioksidantlarla zəngindir.

Yağlı balıqlar — siyənək, tuna, skumbriya və somon — ürək-damar xəstəliklərinin qarşısının alınmasına və beyin fəaliyyətinin yaxşılaşmasına kömək edən omega-3 yağ turşularının mənbəyidir.

Sarımsaq güclü iltihabəleyhinə və antiseptik xüsusiyyətlərə malikdir, immuniteti gücləndirməyə kömək edir və ürək xəstəlikləri riskini azaldır.

Yaşıl çay isə mütənasib şəkildə qəbul edildikdə beyin fəaliyyətinə müsbət təsir göstərir, demensiya riskini azaldır, maddələr mübadiləsini yaxşılaşdırır və xroniki xəstəliklərdən qoruyur.