Mürəbbə və kompot üçün təbii şəkər əvəzediciləri: üç seçim

Yay aylarında bir çox insan meyvə və giləmeyvələrdən dadlı mürəbbə, konfitür, cem hazırlayır və qış üçün kompot bişirir. Lakin bu cür hazırlıqlarda adətən çox miqdarda şəkərdən istifadə olunur ki, bu da sağlamlığa mənfi təsir göstərir.

Lent.az bu 3 variantı təqdim edir:

Şəkər – faydalı, lakin ölçülü istifadə olunmalıdır

Şəkər orqanizm üçün müəyyən qədər faydalıdır, amma onunla ifrat dərəcədə qidalanmaq olmaz. Məsələn, klassik mürəbbə, cem və konfitürlərdə adətən meyvə və giləmeyvədən iki dəfə çox şəkər istifadə olunur. Lakin bu miqdarı xeyli azaltmaq mümkündür - əgər siz təbii əvəzedicilərdən və sadə üsullardan istifadə etsəniz. Bu üsullar yalnız mürəbbəyə yox, həm də kompotlara uyğundur.

1. Agar-agar - dəniz yosunlarından (xüsusilə qırmızı yosunlardan) əldə edilən bitki mənşəli jelleşdirici maddədir.

Əgər siz mürəbbə və ya cemə agar-agar əlavə etsəniz, istifadə etdiyiniz şəkərin miqdarını iki dəfə azaltmaq olar. Məsələn: 1 kq meyvəyə 1 kq şəkər yerinə cəmi 0,5 kq şəkər kifayət edəcək. Agar-agar həm mürəbbənin qatılığını saxlayır, həm də dadını qoruyur.

2. Limon turşusu

Limon turşusu da şəkərin miqdarını azaltmağa kömək edir. Hazırlıq zamanı ona əlavə etsəniz, siz yenə də mürəbbədə lazım olan şirinliyi əldə edəcəksiniz, lakin şəkərin yarısı ilə kifayətlənəcəksiniz. Bu üsul həm dadlı, həm də daha sağlam seçimdir.

3. Kompot əvəzinə giləmeyvə püresi

Əgər siz kompot bişirərkən daim çoxlu şəkər əlavə edirsinizsə, bu vərdişə yenidən baxmaq vaxtıdır. Onun əvəzinə giləmeyvə püresi hazırlayıb dondura bilərsiniz. İstədiyiniz zaman püredən bir hissə götürüb, üzərinə bir az su əlavə etməklə şəkərsiz, dadlı və faydalı kompot əldə edə bilərsiniz.