Heyva şirniyyatını müxtəlif üsullarla bişirə bilərsiniz. Necə bişirilməyindən asılı olmayaraq burada əsas məqam onun toxumlarıdır. Heyva toxumunda olan jele desertin qatılığını təmin edir. Bu toxumlar kalsium, kalium mineralları, A, B və C vitaminləri ilə zəngin qida mənbəyidir.
Lent.az Türkiyə mətbuatına istinadən bu gün sizə heyvadan hazırlanan şirniyyat reseptini təqdim edir.
Lazım olan ərzaqlar
3 heyva
1 limon
6 xörək qaşığı şəkər tozu
12 ədəd mixək
1 çay qaşığı darçın
Yarım stəkan su
Bəzək üçün qoz və ya fındıq
Hazırlanma qaydası
Heyvaların qabığını soyun, ikiyə bölün və toxumlarını sous üçün kənara qoyun. Limonlu su hazırlayın. Daha sonra soyulmuş heyvalar qaralmasın deyə həmin suya qoyun.
Hər bir heyvanı qazana içi boş tərəfləri yuxarı baxan formada qoyuruq. Sonra onların ortasına 1 qaşıq şəkər tozunu əlavə edirik. Mixək, darçından sonra yarım stəkan su tökürük.
Əvvəlcə orta dərəcədə su qaynayana qədər bişiririk. Sonra təxminən 40-45 dəqiqə az dərəcədə heyvalar yumşala qədər bişirməyə davam edirik.
Şirniyyatımızı təqdim edərkən bəzək üçün üzərinə qoz əlavə edirik.
Nuş olsun!
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
