Alimlərin apardığı araşdırmalar göstərir ki, acı qidaların qəbul edilməsi sağlam çəkiyə təsir göstərə bilər. Bununla belə, sadəcə olaraq çoxlu acı bibər yemək arıqlamaq üçün kifayət deyil.
Lent.az xarici mediaya istinadla xəbərinə görə, mütəxəssislər təsdiqləyir ki, çili bibərinin tərkibindəki maddələr metabolizmi qısa müddətə sürətləndirmə gücünə malikdir.
Həkim Uilyam Linin sözlərinə görə, kapsaisin adlı maddə dildə yerləşən TRPV1 reseptorlarını aktivləşdirir. Acı bibərin istifadəsi yalnız yandırıcı hiss yaratmır, həm də beyinin noradrenalin adlı neyromediator istehsal etməsinə səbəb olur. Bu maddə ardıcıl reaksiya yaradaraq bədənimizdəki qəhvəyi piyin aktivləşməsinə gətirib çıxarır.
Qəhvəyi piy xüsusi metabolik funksiyaya malikdir və adi, ağ piydən tamamilə fərqlənir. Ağ piy əsasən daxili orqanların ətrafında toplanır və enerji ehtiyatı kimi istifadə olunur.
Araşdırmalara görə, acı qidalar gündə əlavə 116 kalori yandırılmasına səbəb ola bilər. Bu rəqəm təkbaşına böyük dəyişiklik yaratmasa da, artıq çəkidən qurtulmaq prosesində kiçik də olsa faydası ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
