Balığı təzə saxlamağın ən yaxşı yolu soyuducuda saxlamaqdır. Amma balığı sadəcə soyuducuya qoymaq kifayət etmir.
Lent.az-ın xarici mediaya istinadən məlumatına görə, balıqları soyuducuya qoymazdan əvvəl soyuq suda yaxşıca yuyun və kağız dəsmallarla qurudun.
Bundan sonra, məhsulun tez xarab olmasına səbəb ola biləcək hava ilə təmasdan yayınmaq üçün balıq hava keçirməyən bir qabda yerləşdirilməlidir.
Balıqları daha uzun müddət saxlamağı planlaşdırırsınızsa, dondurma üsulundan istifadə etmək tövsiyə olunur.
Bunun üçün təzə balıqların yuyulması, qurudulması və gələcəkdə istifadəsini daha rahat etmək üçün hissələrə kəsilməsi lazımdır.
Balıqları xüsusi dondurucu torbalarda saxlamaq daha yaxşıdır.
Dondurulmuş balıq dadını və qida xüsusiyyətlərini itirmədən altı aya qədər saxlanıla bilər.
Digər məhsulların qoxusunu udmaması üçün hermetik qablarda mühafizə olunmalıdır.
Bişmiş balıq üç günə qədər soyuducuda qala bilər.
Balıqların saxlama müddətini artırmağa imkan verən iki üsul da var.
Duzlu və ya hisə verilmiş balıq soyuducuda bir neçə həftə saxlanıla bilər.
Bununla belə, yadda saxlamaq lazımdır ki, bu saxlama üsulları balığın dadını və teksturasını dəyişir və bütün yeməklər üçün uyğun olmaya bilər.
Balıqların düzgün şəraitdə, soyuducuda 0 ilə +4 dərəcə arasında, dondurucuda isə -18 dərəcə Selsi və ya daha aşağı temperaturda saxlanmasını təmin etmək vacibdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
