XVIII əsr Azərbaycan şairi Saib Təbrizinin qədim əlyazması əldə olunub

Azərbaycan Milli Elmlər Akademiyasının (AMEA) Əlyazmalar İnstitutu Berlində yaşayan həmvətənlimiz M. Hüseyninin yardımı ilə XVIII əsrdə yaşamış böyük Azərbaycan şairi Saib Təbrizinin Qahirənin Darül-kutub kitabxanasında saxlanan külliyyatından onun Azərbaycan dilindəki şeirlərinin surətini əldə edib. Əlyazmalar İnstitutunun direktor əvəzi Paşa Kərimovun Lent.az-a veridyi məlumata görə, gözəl nəstəliq xətti ilə köçürülmüş bu divanın əvvəlində Saibin Təbrizdə doğulub bu şəhərdə boya-başa çatdığı, sonra İsfahana köçdüyü, 1677-ci ildə burada vəfat edərək Səadətabad məhəlləsində dəfn olunduğu və qəbri üzərində həkk olunmuş şeirlərindən beytlər qeyd edilir. Burada həmçinin Saibin vəfatı münasibəti ilə maddeyi-tarix yazmış Mir Vüqari və osmanlı şairi Nəhif əfəndinin şeirləri də köçürülüb. Bu qeydlər Saibin təbrizli deyil, isfahanlı olduğunu iddia edənlərə tutarlı cavabdır.