Daşkənddə "Azərbaycan yazıçılarının hekayələri" kitabı çap edilib. Mədəniyyət və Turizm NazirliyindənAPA-ya verilən məlumata görə, kitabda Anarın "Qırmızı limuzin", "Vahimə", Sabir Rüstəmxanlının "Daş rəngi", "Qayalar arasındakı vəd", "Bacı", Elçin Hüseynbəylinin "Yağış", "Keçid dövrünün toyuğu", "Nar", Kamran Nəzirlinin "Qorxulu məhəbbət", "Üç milyon dollarlıq ürək", Rəşad Məcidin "10 sentyabr", Hidayətin "Ömürdən uzun gecə", İlqar Fəhminin "Görüş", Ülvi Bünyadzadənin "Sədaqət", "İnsan" və s. hekayələri yer alıb.
Özbəkistanın kitabxanalarına, ali məktəblərinə, Azərbaycan ədəbiyyatına dair tədqiqat aparan mütəxəssislərinə, Özbəkistanın Milli Elmlər Akademiyası Ədəbiyyat İnstitutuna paylanacaq kitabı Azərbaycan dilindən özbək dilinə Özbəkistanın "Darakçi" qəzetinin baş redaktoru, tərcüməçi Rüstəm Cabbarov tərcümə edib.
Kitab Azərbaycanın Özbəkistandakı səfirliyinin nəzdindəki Heydər Əliyev adına Azərbaycan Mədəniyyət Mərkəzinin dəstəyi ilə çap olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
