Orxan Pamuk: "Mən onun şəyirdi idim"

Böyük türk yazıçısı Yaşar Kamalın dəfnində iştirak edən Nobel mükafatlı yazıçı Orxan Pamuk Yaşar Kamal haqda təəssüratlarını bölüşüb. “Kulis”in məlumatına görə Pamuk Yaşar Kamalı litsey şagirdi olandan bəri oxuduğunu bildirib.

“İncə Məmməd romanının ikinci cildini çap edildiyi gün mağazadan aldım. 1969-cı il idi. Gənc olanda onu oxumağım, sonra isə onu tanımağıma öyünürdüm. Yaşar Kamal mənim dostum, İstanbul küçələrində gəzdiyim ayaq yoldaşımdı. O danışır, mən qulaq asırdım, o usta, mən şəyird idim. Yaşar Kamalı Yaşar Kamal edən şey içindəki cocuğun heç bir zaman ölməməsidir. O qədər təzyiq, ölüm hədələri, pis-pis adamlar, çoxlu qısqanclıq... Buna baxmayaraq həmişə gülümsəyirdi, həmişə optimist idi. Onu Yaşar Kamal edən şey ancaq romanları deyil, uzlaşmaçı xarakteri və təzyiqlərə boyun əyməməyidir. Türkiyədə bu qədər təzyiqə rəğmən başını dik tuta bilməsidir. Bu ölkədə yaşayan insanların hekayəsini bütün dünyaya dinlədə bilməyin mümkünlüyünü ondan öyrəndim. Həmişə onun yanında olmaq, onunla dost olmaq istədim. Türk dili var olduqca Yaşar Kamal da olacaqdır”.