Gəncədə mərkəzi kitabxana üçün yeni bina tikiləcək. Mədəniyyət və Turizm Nazirliyindən Lent. az-a verilən məlumata görə, şəhərin qərb hissəsində inşa olunacaq binanın ümumi sahəsi 500 kvadratmetr olacaq. Nazirliyin sifarişi ilə inşa ediləcək bina müasir standartlara cavab verəcək.
Gəncə şəhərinin baş memarı Əli Rüstəmovun sözlərinə görə, binanın layihəsi milli memarlıq üslubunda hazırlanıb. Zirzəmi ilə birlikdə 5 mərtəbəli olacaq binada oxuculara yüksək xidmət göstərilməsi üçün hər bir şərait yaradılacaq. Burada dünya kitabxanaları ilə əlaqələrin qurulması üçün xüsusi kompüter və elektron xidməti, həmçinin Gəncənin tarixi barədə mükəmməl məlumat bazası yaradılacaq.
Bir milyon nüsxə kitab fondu olacaq kitabxananın inşasına 2014-cü ilin əvvəllərində başlanılacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
