Bakı Uşaq Teatrı Yeni il tamaşası hazırlayıb

Bakı Uşaq Teatrının Yeni il şənliyi tamaşası hazırlayıb. Teatrın mətbuat xidmətindən Lent.az-a verilən məlumata görə, tamaşada uşaqların sevdikləri cizgi film qəhrəmanları iştirak edəcəklər: “Qış bayramına hazırlaşan uşaqlara Şaxta baba Qar kraliçası ilə sehirli məktub göndərir. Onun şənliyə gələ bilməyəcəyini eşidən uşaqlar Şaxta babanın yanına getməyə hazırlaşırlar. Bu xəbəri eşidən Qar qız hədiyyələri hazırlamaq üçün Şaxta babaya köməyə tələsir. Uşaqların getməyinə mane olan Küpəgirən qarı Qar kraliçasının qar dənəciyinin sehrini yox edir. Uşaqların, şənliyə gələn nağıl qəhrəmanlarının – Şrek və Uzunqulaq, Tıqtıq xanım və Siçan bəy, Dovşan və Canavar, Qırmızıpapağın köməyinə sehirbaz Tofiq əmi gəlir. O, öz sehri ilə qar dənəciyinin sehrini geri qaytarır. Uşaqlar getməyə hazırlaşırlar, elə bu zaman Şaxta babanın səsi gəlir. Uşaqların başına gələn əhvalatdan xəbər tutan Şaxta baba Qar qız , Əjdaha və İlanla şənliyə gəlir”.

Bildirilib ki, hər il olduğu kimi bu ildə yeni il seanslarından biri məhz qayğıya ehtiyacı olan uşaqlar üçün olacaq. Tamaşaları yanvarın 2-i saat 11, 13 və 15, 17:00 seansları ilə. Yanvarın 3-ü isə 11 və 13:00-da Sarabiski adına mədəniyyət evində nümayiş olunacaq.

Biletlərin qiyməti 6 manatdır.