Lent.az-ın qafqazinfo-ya istinadən məlumatına görə, “Cırtdan və sehrli xalat” adlı yeni “3D” animasiya filmini “3Dost” animasiya studiyası ərsəyə gətirəcək.
Bu barədə Cəfər Cabbarlı adına “Azərbaycanfilm” kinostudiyası məlumat yayıb. Məlumatda bildirilir ki, animasiya filmi Mədəniyyət və Turizm Nazirliyinin sifarişi ilə hazırlanır.
Filmin ideya müəllifi Müşfiq Hətəmov, ssenari müəllifləri Yusif Şeyxov və Kənan Yusifov, rejissorları Rəşad Əfəndiyev və Yusif Qabilovdur.
Səkkiz personajlı animasiya filmində əsas mövzu müasir dövrdə yaşayan yeniyetmə Cırtdanın özünün də gözləmədiyi halda keçmişə düşməsi və çox təhlükəli macəralara qoşulmasıdır. Onu da qeyd edək ki, xronometrajı 14 dəqiqə olacaq filmin bir ilə hazır olması planlaşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
