Türkiyənin Alanya şəhərində 13-cü Beynəlxalq Caz festivalı keçirilir. Lent.az-ın məlumatına görə, Alanya bələdiyyəsinin təşkilatçılığı ilə keçirilən Festivalın qapanış gecəsi isə ilk dəfə olaraq bütünlüklə Azərbaycana həsr edilib.
Festival çərçivəsində Azərbaycan günü gecəsi dövlət müstəqilliyimizin bərpasının 25-ci il dönümünə həsr olunub. Tədbirə millət vəkilləri, tanınmış ziyalılar, Azərbaycan diasporunun nümayəndələri də dəvət alıb.
Alanya bələdiyyə başqanı Adəm Murat Yücel millət vəkilləri Nizami Cəfərovu, Qənirə Paşayevanı, Musa Qasımlını və ATV kanalının Bədii Şurasının sədri, tanınmış telejurnalist Etibar Babayevi səhnəyə dəvət edib. Bakı səfərinin xoş təəssüratları ilə bölüşən Başqan dostluq əlaqələrinin möhkəmlənməsində iqtisadi bağlılıqlarla yanaşı, mədəni-kütləvi tədbirlərin, şəxsi dostluq münasibətlərinin müstəsna əhəmiyyətini də xüsusi vurğulayıb. Adəm Yücel eyni zamanda Azərbaycan-Türkiyə Parlamentlər arası əlaqələr üzrə işçi qrupun üzvləri olan millət vəkillərinə minnətdarlığını bildirib.
Millət vəkilli Qənirə Paşayeva tədbirdə çıxış edib: "Türkiyənin gücü gücümüz, sevinci sevincimiz, kədəri kədərimiz olduğu kimi, Azərbaycanın da gücü sizin gücünüz, sevinci sevinciniz, kədəri kədərinizdir. Gənc nəsillərin də bu ruhda yetişməsi üçün daha da çox çalışmaq isə bizim nəslin tarixi missiyasıdır".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
