Xəbər verdiyimiz kimi, bu il iyulun 26-da Azərbaycan Kinematoqrafçılar İttifaqı (AKİ) və Azərbaycan Respublikası Kinematoqrafçılar İttifaqının (ARKİ) birləşməsi ilə bağlı qərar verildi.
O, zaman Mədəniyyət Nazirliyindən bildirilmişdi ki, bu addım ölkədəki kino sektoruna dəstək və birlik məqsədilə atılıb. Bununla bağlı hər iki ittifaqın idarə heyətlərinin iştirakı ilə iclas keçirilib.
Oktyabrın 11-də Rasim Balayevin sədri olduğu Azərbaycan Kinematoqrafçılar İttifaqı yerləşdiyi binadan çıxarılmış və digər ittifaqın yerləşdiyi binaya köçürülmüşdü.
Bəs eyni binada yerləşmiş iki ittifaq həqiqətən birləşə bildimi?
Lent.az-ın bununla bağlı sualını cavablandıran Xalq artisti Şəfiqə Məmmədova bildirib ki, onlar bizimlə eyni binada yerləşsələr də, hələlik rəsmi birləşmə yoxdur. Hazırda sənədləşmə işləri davam edir:
“Onları binamıza qəbul eləmişəm, demişəm gəlin oturun. Hələ yığıncaq olacaq, sədr seçiləcək. Sənədləşmə prosesi uzun sürür. Rəsmi birləşmə hələlik olmayıb”.
Şəfiqə xanım sədrliyə namizədliyini verib-verməyəcəyini bilmədiyini deyib. O, tezliklə tərəflərin konfrans keçirəcəyini qeyd edib.
Şəfiqə Məmmədova qurultayın keçiriləcəyi vaxtı da açıqladı:
"Noyabrın 20-nə qədər qurultayımız olacaq. O zaman üzvlərin kimi sədr seçəcəyi bəlli olacaq. Hələlik heç nə bilmirəm”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
